Ikën Anderson, "shkatërrimtari" i Jahmir Hykës

 

Tërmet te Mainc 05 i Jahmir Hykës. Vetëm katër ditë nga fillimi i kampionatit gjerman, drejtuesit e klubit të porsangjitur në Bundesligë shkarkuan trajnerin Jërn Andersen. Norvegjezi u ndëshkua pas eliminimit të turpshëm të Maincit në Kupën e Gjermanisë nga skuadra e kategorisë së katërt, Lubek (1-2). Andersoni ishte një nga shkaktarët kryesorë që Hyka kaloi një sezon tërësisht në hije vitin e kaluar. Trajneri nuk e aktivizoi asnjë ndeshje si titullar talentin e përfaqësueses shqiptare, pa i dhënë asnjë shpjegim. Tani Hyka shpreson që tekniku i ardhshëm t'i japë më tepër besim. Gjithsesi drejtuesit e klubit kanë deklaruar që më parë se Hyka do të ketë më shumë hapësira aktivizimi ndaj edhe ata nuk kanë pranuar që ta shesin gjatë kësaj merkatoje.