Shtyhet seanca, Meta: Nuk dalim nga greva

Ne fund te dites se shtate te greves se urise, deputetet e ngujuar jane pershtatur tani me mjediset e papershtatshme per greve.

Thone se u mesuan edhe pa ushqim, por thone gjithashtu me kembengulje se nuk do te mesohen dhe nuk do te pranojne asnjehere kodin e ri elektoral, nese ai nuk ju njeh te drejten per te numeruar vete votat e tyre.

Ky eshte mesazhi i vetem qe japin deputetet greviste nga salla e parlamentit, ku mesojne te rejat qe vijne nga jashte. Njeri prej lajmeve ishte edhe shtyrja e miratimit te Kodit per te marten.

Por miratimi i ligjit te zgjedhjeve pa asnje ndryshim, per deputetet greviste nuk do te thote nderprerje e greves se urise.

"Pa dyshim qe do te vazhdojme greven dhe sa te kemi fuqi do te rrime ketu. Ata mund te vijne dhe te ngrene kartonat dhe kodin mund ta miratojne edhe sot. Ne do te vazhdojme me vendosmeri edhe betejen tone", u shpreh Meta.

Ilir Meta duket se koordinon cdo levizje me partine dhe me mbeshtetesit, pasi kontaktet e tij me ane te telefonit jane shpeshta.

Deri ne mesditen e se henes nuk ka asnje shenje te dukshme per terheqjen e ndonjeres prej paleve, edhe pse oret ne vazhdim jane lene te lira per bisedime.

Per Ilir Meten, ata qe duhet te reflektojne jane demokratet dhe socialistet dhe nuk ka asnje gjase qe greva te nderpritet per te bere bisedime.

"Greva e urise eshte nje mjet civil dhe demokratik dhe ne i kemi konsumuar te gjithe perpjekjet tona per te dialoguar", thekson Meta.

Gjate 45 minutave te qendrimit te ekipit te Top Channel ne shtepine e re te deputeteve greviste, mesohet se njeri prej tyre, demokristiani Frrok Gjini me keshillen e mjekeve ka nderprere greven e etjes.

Por, vendosmeria e zotit Gjini, nuk mungoi kur tha se do ta vazhdonte greven edhe pse kodi mund te miratohej pa ndryshime.
Por, sic e mendonte ai, per koleget e tij nuk do te ishte etike dhe nejrezore te ngrinin kartonat ne sallen e greves se urise.

"Nuk mendoj se mund te kaloje nje kod me kete gjendje qe ne jemi ketu dhe nuk mund te vijne ne salle duke pare deputetet qe po perballen me vdekjen. Nuk mendoj se eshte normale madje shpresoj se zoti Berisha, i cili eshte vete mjek, ta kuptoje se ne po kerkojme vetem ruajtjen e votes dhe asnje lloj privilegji tjeter", u shpreh Berisha.