Shtyhet seanca e 193-te e gjyqit per Dajtin

Edhe avokati i caktuar nga Ministria e Drejtësisë për mbrojtjen e interesave ligjore të të pandehurit Dritan Dajti, nuk pranon të marr në mbrojtje këtë të fundit. Mbi të cilin rëndon akuza e vrasjes së katër punonjësve të policisë dhe shokut të tij në vitin 2009.
Pak ditë më parë, Gjykata e Krimeve të Rënda në Tiranë, I është drejtuar Ministrisë së Drejtësisë, duke i kërkuar zgjidhjen e ngërçit, pasi prej gati 2 viteve është bllokuar procesit gjyqësor ndaj Dajtit. Ky bllokim, ka ardhur për shkak se asnjë avokat I caktuar nga togat e zeza nuk merr përsipër mbrojtjen e tij.
Zyrtarishtë asnjë nga avokatët nuk jep arsyen e vërtetë të refuzimit, por nën zë ata pranojnë se ndihen të kërcënuar nëse vazhdojnë mbrojtjen e tij.
Procesi gjyqësor ndaj Dajtit edhe pse zhvillohet çdo ditë, ajo nuk vazhdon më shumë se 10 minuta pasi mungojnë avokatët mbrojtës.