Shtyhet sesioni në gjykimin e Mubarakut

Shtyhet për në datën 28 dhjetor seanca gjyqësore ndaj ish-presidentit të Egjiptit, Hosni Mubarak.
 

Kjo ka ardhur pas kërkesës së avokatëve të familjarëve të viktimave të vrarë nga Mubaraku për zëvendësimin e gjyqtarit të çështjes.
 

Ish-lideri 83-vjeçar Mubarak, akuzohet për urdhërimin e vrasjes së protestuesve gjatë revoltave që çuan në përfundimin e regjimit të tij në muajin shkurt.
 

Përveç kësaj, gjykata ka nisur procedurat edhe ndaj dy djemëve të Mubarakut, ish-ministrin e brendshëm dhe ish-zyrtarin e lartë të policisë, të cilët ballafaqohen me një varg akuzash.
 

Të gjithë të pandehurit kanë hedhur poshtë akuzat ndaj tyre. Gjykimi ndaj Mubarakut nisi diku tre muaj më parë.