Shuhet zjarri masiv në landfill, hetohen shkaqet e ngjarjes në vendgrumbullimin e mbetjeve në Bushat

Pas katër ditësh, është bërë e mundur shuarja e plotë e vatrës së zjarrit në landfillin e Bushatit, duke rikthyer situatën në normalitet dhe duke eliminuar rrezikun për përhapje të mëtejshme.

Në operacion u angazhuan strukturat vendore, shërbimi zjarrfikës, si dhe stafet teknike të landfillit, të cilat punuan në mënyrë të koordinuar për izolimin e zonës dhe neutralizimin e flakëve.

“Kemi kryer një bashkëpunim shuëm të ngushtë me zjarrëfikëset nga disa bashki, dhe gjithashtu subjekte private për fikjen e zjarrit. Duam tju kërkojmë falje baorëvepër situatën e krijuar”, tha Kujtim Prifti, drejtor i menaxhimit të landfillit.

“Ndjejmë keqardhje për situatën e krijuar ishte vërtet një situatë e vështirë për të gjithë”, tha Altina Ndrekaj, drejtore administrative.  

Drejtori i kompanisë së mirëmbajtjes së landfillit tha se pamjet janë depozituar në organet kompetente dhe po vijojne hetimet ndonëse duket se zjarri nuk ka qënë i qëllimshëm

Autoritetet bëjnë me dije se situata do të vijojë të monitorohet në mënyrë të vaozhdueshme për të shmangur çdo riaktivizim të mundshëm të vatrave të zjarrit.