Siri, sulme me armë kimike në lindje të Damaskut, dhjetëra të vrarë

DAMASK- Rëndohet situa në Siri. Aktivistë të opozitës siriane pohojnë se në lindje të Damaskut dhjetëra njerëz janë vrarë nga përdorimi i armëve kimike.

Sic raporton BBC, në rrethinat e rajonit Ghouta që në orët e para të mëngjesit janë hedhur raketa toksike, duke vrarë shumë njerëz.

Aktivistët e opozitës kanë ngarkuar në YouTube imazhe që tregojnë se si njerëzit po kurohen në spitale të improvizuara, pas përdorimit të armëve kimike.

Një ekip me inspektorë të OKB-së mbërriti në Siri ditën e dielën për të hetuar akuzat e mëparshme të përdorimit të armëve kimike.
(m.a/BalkanWeb)