Siti-Liverpul është është Pep kundër Klop, sfida mes zotërve
Është sfida mes dy teknikëve më të mirë në skenën e futbollit botëror. Është krahasimi mes dy filozofive dhe dy mënyrave të ndryshme të interpretimit të konceptit të dominimit të lojës. Është Manchester City-Liverpool, por mbi të gjitha është Pep Guardiola kundër Jurgen Klopp. Ndeshja që mund të vendosë për fatin e Premier Ligës 2021/22 kalon në duelin e dy trajnerëve që kanë bërë historinë më të re të futbollit anglez dhe atij europian.
Qytetarët dhe Reds kanë krijuar një diferencë në këtë kompeticion në krahasim me të tjerët dhe arrijnë në ndeshjen e madhe në Etihad, të planifikuar për të dielën në orën 17:30, të ndarë me një pikë të vetme në renditje. Kampionët në fuqi synojnë të zgjasin avantazhin, rivalët ëndërrojnë parakalimin. Gjithçka do të kalojë nga strategjitë e drejtuesve përkatës, sundimtarë absolut të sezoneve të fundit të kampionatit më të ndjekur në botë: nga njëra anë do të ketë posedimin e topit afër 70% të mesatares sezonale, formulimin e ngushtë dhe vertikalizimi të të besuarve të Pep, të drejtuar nga gjeniu i De Bruyne dhe Bernardo Silva, si dhe paparashikueshmëria e treshes sulmuese (Foden, Grealish dhe një mes Sterling dhe Mahrez); nga ana tjetër, intensiteti dhe ritmi mbytës që kanë karakterizuar skuadrat e Jurgen, që në fillimet e karrierës së tij, i cili për këtë rast do të mbështetet në treshen Salah-Jota-Mané, pika referimi për sulmin më të mirë në kampionat (77 gola të shënuar nga të kuqtë, nga të cilët 46 nga këta të tre).
Të dy, siç u përmend, kanë qenë mjeshtra të futbollit anglez në të kaluarën e afërt. Ata kanë dominuar skenën në 4 sezonet e fundit (tre fitore për Cityn, një, e para që kur ekziston Premier Liga, për Liverpool), por kanë shkruar edhe faqe të rëndësishme në Evropën kontinentale dhe mes tyre ka shumë precedentë.
Ndoshta statistika më interesante dhe që e bën sfidën edhe më magjepsëse, është se njëri është “macja e zezë” e tjetrit: Klopp është trajneri që ka mposhtur Guardiolën disa herë në karrierë dhe anasjelltas. Takimi i parë historik mes të dyve daton në verën e vitit 2013: Superkupa e Gjermanisë, emërimi i parë zyrtar si trajner i Bayernit për katalanasin dhe pësoi një humbje të rëndë ndaj BVB-së, e cila fitoi 4-2 duke marrë një hakmarrje të vogël pas humbje në finalen e Champions League.
Pasojnë dy sezone në të cilat të dy trajnerët konkurrojnë kundër njëri-tjetrit në Bundesligë: një fitore 3-0 secili në kampionatin 2013/14, fitorja 2-0 e Bayern në kohën shtesë në finalen e Kupës 2014, fitorja e Dortmundit 2-0 në Superkupë 2014, dy fitore (2-1 dhe 0-1) për Bayernin në kampionatin 2014/15, fitore me penallti për Borussia në gjysmëfinalen e Kupës. Bilanci përfundimtar në Gjermani: 4 fitore për Klopp (përfshirë një me penallti), 4 fitore për Guardiolën.
Në vitin 2015 gjermani u transferua te Liverpool. Kalon një vit dhe kundërshtari i shumë betejave i bashkohet në Premierë: në 2016/17 sfida e parë në tokën britanike shkon për Klopp (1-0), ndërsa në kthim përfundon 1-1; në 2017/18 është spektakël i pastër dhe ndeshjet përfundojnë 5-0 për City-n në ndeshjen e parë dhe 4-3 për Liverpool-in në kthim, por skuadrat përballen edhe në Champions League ku Liverpool fiton në çerekfinale falë 0-3 së bujshme të ndeshjes së parë dhe 2-1 në atë të kthimit. Në 2018/19 ndeshja e kampionatit është pikë për pikë, në fund City triumfon falë edhe rikthimit 2-1 pas ndeshjes së parë 0-0.
2019/20 hapet me fitoren e Cityt me penallti në Community Shield, më pas 3-1 për Reds në ndeshjen e parë dhe 4-0 për Citizens në ndeshjen e dytë, por me Liverpoolin tashmë aritmetikisht kampion. Në 2020/21 është dominimi i City, i cili pas ndeshjes së parë 1-1 fiton 4-1 në ndeshjen e kthimit. Precedenti i fundit daton në ndeshjen e parë të sezonit aktual, që përfundoi 2-2. Bilanci përfundimtar në Angli: 5 fitore për Klopp, 5 fitore për Guardiolën (përfshirë një me penallti) dhe 4 barazime.