Specialistet: Vaksinat te efektshme deri ne pranvere

Vaksina kunder gripit sezonal dhe atij pandemik, mund te behet deri ne mars te vitit qe vjen. Sipas specialisteve te shendetesise tani eshte koha me e favorshme per te injektuar vaksinen, e cila krijon mbrojtje vetem pas 7 ditesh nga marrja e saj. "Vaksina duhet bere pasi ajo eshte e nevojshme ne cdo kohe, dhe krijon mbrojtje 7-10 dite pas injektimit. Koha e pershtatshme per vaksinen eshte deri ne mars, pasi popullata nuk eshte prekur ende nga gripi", ka pohuar Pellumb Pipero, drejtori i Politikave ne MSH. Sipas tij, per sa i perket vaksines kunder gripit pandemik, ajo pritet te mberrij brenda pak ditesh dhe te filloje vaksinimi i grupeve te riskut. "Kemi porositur 200 mije doza nga Hungaria, 50 mije nga Gjermania. Aktualisht jane alokuar fondet, pritet mberritja e tyre brenda 10 diteve", ka nenvizuar Pipero. Sipas planit te vaksinimit te hartuar nga ISHP, me sasine e siguruar do te nise faza e pare e vaksinimit kryesisht per femijet, te semuret kronike dhe personelin shendetesor. Aktualisht numri zyrtar i te prekurve eshte rreth 200 raste ndersa laboratori i virologjise ne ISHP, vazhdon te raportoje raste te prekura me virusin e gripit te derrit. Sipas te dhenave, cdo dite konfirmohen rreth 5 deri ne 6 paciente te prekur nga gripi A/H1N1 por dhe gripi stinor. Specialistet e shendetit publik, thone se ndonese shifrat jane ne rritje nuk shikohet e arsyeshme marrja e masave ekstreme si mbyllja e shkollave apo universiteteve.

Vaksina

Specialistet sqarojne se qytetaret qe kane bere vaksinen kunder gripit stinor, mund ta bejne edhe vaksinen e kunder gripit pandemik, madje ato mund te injektohen te dyja ne te njejten kohe, vetem se ne vende te ndryshme.