Statusi kandidat per Shqiperine

Komisioneri për Zgjerimin dhe Fqinjësinë e mirë në Komisionin Europian Stefan Fule pritet të prezantojë të mërkurën raportet e progresit për vendet aspirante për anëtarësim në Bashkimin Europian. Sipas axhendës zyrtare është përcaktuar që Fule të prezantojë të dhënat e raportit përpara Komitetit për politikën e jashtme në Parlamentin Europian. Një veprim i tillë pritet të kryhet në orën 11:15 të së mërkurës ndërsa në orën 13.30 do të mbajë një konferencë për shtyp për të deklaruar zyrtarisht përmbajtjen e paketës së zgjerimit me progres raportet përkatëse. Fule pritet që dy ditët pasardhëse, në datat 11 dhe 12 tetor të kryejë një vizitë zyrtare në Beograd dhe Kosovë.