Stoltenberg thirrje Kosovës dhe Serbisë: Ulni tensionet, vijoni me bisedimet për normalizimin e dialogut

Sekretari i Përgjithshëm i NATO-s, Jens Stoltenberg, i ka bërë thirrje Kosovës dhe Serbisë që të ulin tensionet dhe të vijojnë me normalizimin e bisedimeve të ndërmjetësuara nga Bashkimi Europian.

Në fjalën e tij në konferencën e përbashkët me Presidentin e Malit të Zi, Jakov Milatoviç, Stoltenberg ripohoi përkushtimin e palëkundur të NATO-s ndaj KFOR në Kosovë, teksa theksoi se misioni paqeruajtës ka detyrë të paanshme në mes të tensioneve të shtuara Prishtinë-Beograd.

“Ne kemi shtuar praninë tonë dhe do të vazhdojmë të marrim të gjitha masat e nevojshme për të siguruar një mjedis të sigurt dhe të sigurt dhe lirinë e lëvizjes për të gjitha komunitetet në Kosovë”, tha ai, ndërsa shtoi se ulja e tensioneve mes Prishtinës dhe Beogradit është kyçe për sigurinë e Kosovës dhe stabilitetin në rajon.

Ndërsa Milatoviç u shpreh se stabiliteti i Ballkanit Perëndimor është strategjikisht i rëndësishëm për NATO-n, në një kohë që tensionet mes Kosovës dhe Serbisë janë tensionuar së fundmi.

 “Stabiliteti i Ballkanit Perëndimor, i cili është strategjikisht i rëndësishëm për NATO-n, mbetet prioritet për Malin e Zi, dhe përpjekjet e përbashkëta të BE-së dhe NATO-s janë edhe më të rëndësishme në kohën e tensioneve të shtuara që shohim në veri të Kosovës”, tha Milatoviç.

/rtsh.al/