Stomatologia, 14 herë kampione shahu, Shabanaj: Në moshën 15-vjeçare luajta në Hungrai, mposhta shahiste më të mira se unë
Edhe pse me profesion stomatologe, Eglantina Shabanaj nuk e ka ndalur përkushtimin ndaj pasionit të saj, shahut duke u shpallur 14 herë kampione. Për Eglantinën pasioni për shahun filloi që në moshën 5 vjeçare, ndërsa ndeshjen e parë e realizoi në moshën 8-vjeçare.
E ftuar në emisionin “Jetë shqiptare” ajo foli për emocionet që i fal ky sport, ndërsa tregoi edhe ndeshjen që i ka mbetur më së shumti në kujtesë.
“Kampionatin e parë ndërkombëtar e kam bërë në vitin 1994 në Hungari. Ka qenë një ndër garat më të mira për mua ku në 9 ndeshej kam marrë 5 pikë e gjysmë. Kam fituar me dy shahiste shumë më të forta se unë. Ishte shumë emocion, ishte hera e parë që dilnim jashtë përballeshim me botën. Atë mbaj kujtimin e parë me shumë emocion brenda me shumë sfida. Isha vetëm 15 vjeçe”, u shpreh ajo.
/rtsh.al/