Studimi: Njerëzit me probleme mendore janë goditur rëndë nga recesioni

Recesioni ekonomik në të gjithë Evropën ka pasur një ndikim të thellë mbi njerëzit me probleme të shëndetit mendor, ka nxjerrë së fundmi hulumtimi nga Londra King ‘s College, raporton BBC.

Ndërmjet viteve 2006 dhe 2010, shkalla e papunësisë për ata me probleme të shëndetit mendor u rrit dy herë më shumë se për njerëzit e tjerë, nga 12.7% në 18.2%. Burrat dhe njerëzit me nivel të ulët të arsimimit u prekën veçanërisht, tha studimi.

Autorët paralajmërojnë se përjashtimi shoqëror mund të rritet në mesin e të sëmurëve mendorë. Shkencëtarët mblodhën të dhënat nga 20.000 njerëz në të gjithë 27 vendet anëtarë të BE-së duke përdorur sondazhin e Eurobarometrit, të cilët studiuan shëndetin mendor, qëndrimet ndaj atyre me probleme të shëndetit mendor dhe normën aktuale të punësimit.

Për ata pa probleme të shëndetit mendor, shkalla e papunësisë është rritur nga 7.1% në 2006 në 9.8% në vitin 2010, gjysmë rritje në krahasim me grupin e mëparshëm.

“Është e vështirë për njerëzit për të marrë një punë në qoftë se ka tashmë një hendek në CV-në e tyre”,- tha Dr Sara Evans-Locko nga Instituti i Psikiatrisë.