Studimi: Qeveria shqiptare, transparente me buxhetin e saj Eglantina Nasi

Buxheti i shtetit, me te ardhurat dhe shpenzimet e tij, duket se eshte transparent per shoqerine shqiptare. Nje fakt i tille cilesohet ne studimin e fundit te organizates nderkombetare “International Budget Partnership”, realizuar pikerisht mbi analizimin e pergjegjesise se shteteve te caktuara per te bere publike te dhenat e buxhetit te tyre. Konkretisht ne kete studim, vendi yne renditet ne nivelin mesatar te percaktuar prej tij, duke treguar se shoqeria shqiptare eshte e informuar mbi te ardhurat buxhetore si edhe ato te shpenzuara. Cka do te thote ne terma praktike se qytetaret shqiptare kane informacion te mjaftueshem dhe te kuptueshem sesi i administron qeveria fondet publike. Kjo, edhe pse ende ky lloj informacioni nuk mund te konsiderohet si i hollesishem, si ne rastet e vendeve Britania e Madhe apo Suedia, te cilat zene vendet e para ne Evrope ne kete studim. Me nje vleresim respektiv prej 47%, Shqiperia renditet ne grupimin e cilesuar si “mesatar” te vendeve qe e kane 41% deri 60% per Indeksin e Buxhetit te Hapur (OBI), i cili vlereson transparencen buxhetore. Duke qene keshtu, ne te njejten renditje me vende te tilla si, si Italia (60%), Turqia (50 %) apo Polonia (59%). Sikunder, vleresohet te jete e njejte per publikimin e te ardhurave dhe shpenzimeve buxhetore qe ajo ben, me Rumanine, fqinjin tone rajonal, i cili gezon te njejtin pozicionim, me 47%. Dhe duke lene pas vende te tilla si Maqedonia (35%) apo Serbia (39 %) etj. Kujtojme nderkaq, se vetem dy vjet me pare, transparenca se buxhetit, per Shqiperine ka qene e vleresuar vetem me nivelin prej 33%. Dhe duke e krahasuar ate me shifren e raportit te sivjetshem, i bie qe ky tregues te kete shenuar nje rritje te dukshme. Duke folur keshtu per nje politike mbeshtetese te qeverise per t’i bere sa me te kuptueshme treguesit e buxhetit ndaj opinionit publik. “Rezultati i Shqiperise ne Indeksin e Buxhetit te Hapur perben nje zhvillim inkurajues per te cilin qeveria eshte pergezuar. Megjithate, ajo e ka potencialin per ta zgjeruar ne mase me te madhe transparencen mbi buxhetin, duke futur nje sere masash afatshkurtra dhe afatmesme, disa prej te cilave mund te arrihen pothuajse pa asnje kosto per te”, cilesojne ekspertet e organizates “International Budget Partnership”. Ne fund, ata i japin disa sugjerime konkrete pales shqiptare per te mundesuar permiresimin e treguesit ne fjale.