Sulm me dron amerikan, vritet një udhëheqës i grupit të Shtetit Islamik në Siri

Një sulm me dron amerikan vrau një udhëheqës të grupit të Shtetit Islamik në Siri disa orë pasi të njëjtat dronë MQ-9 Reaper, u provokuan nga avionë ushtarakë rusë në pjesën perëndimore të vendit. Kjo u bë e ditur nga Departamenti amerikan i Mbrojtjes.

Tre Reapers ishin duke fluturuar lart në kërkim të një militant, tha një zyrtar amerikan i mbrojtjes, kur ata u ngacmuan për rreth dy orë nga avionët rusë. 

Menjëherë pas kësaj, dronët goditën dhe vranë Usamah al-Muhajir, i cili po ngiste një motoçikletë në rajonin e Alepos, tha zyrtari, i cili nuk ishte i autorizuar të diskutonte publikisht këtë çështje dhe foli në kushte anonimiteti ps përshkruar detajet e operacionit ushtarak. .

Zyrtari tha se al-Muhajir po vepronte në veriperëndim të Sirisë në kohën e sulmit, por ai zakonisht vepronte në lindje.

Nuk ishte menjëherë e qartë se si ushtria amerikane konfirmoi se personi i vrarë ishte al-Muhajir.

Në një deklaratë të dielën, Komanda Qendrore e SHBA tha se nuk ka indikacione se ndonjë civil është vrarë në sulm. Ushtria po vlerëson raportet se një civil mund të jetë plagosur. Apnews

/rtsh.al/