Sulmet izraelite në Gaza vrasin militantë kryesorë dhe 10 civilë

Të paktën 15 palestinezë, duke përfshirë tre komandantë të grupit militant Xhihadi Islamik, janë vrarë në sulmet ajrore izraelite në Rripin e Gazës, njofton BBC.

Zyrtarët palestinezë të shëndetësisë thanë se tetë gra dhe fëmijë ishin mes të vdekurve. 22 persona të tjerë u plagosën.

Izraeli tha se udhëheqësit e Xhihadit Islamik që ai synoi gjatë natës ishin të përfshirë në sulmet e fundit ndaj civilëve izraelitë.

Xhihadi Islamik është zotuar të hakmerret dhe militantët me bazë në Gaza pritet të përgjigjen me raketa drejt Izraelit.

Shtrirja e çdo përshkallëzimi ka të ngjarë të varet nëse Hamasi, i cili kontrollon Gazën, vendos të bashkohet.

Kryeministri i Izraelit, Benjamin Netanyahu, tha se vendi ishte “i përgatitur për të gjitha mundësitë”, duke shtuar: “Unë sugjeroj që armiqtë tanë të mos na testojnë”.

Sulmet ishin më vdekjeprurësit që prej tre ditëve të armiqësive midis Izraelit dhe Xhihadit Islamik gushtin e kaluar, në të cilat 49 palestinezë u vranë në Gaza.

Sulmet izraelite filluan në orët e para të mëngjesit të së martës, kur 40 avionë luftarakë dhe helikopterë sulmuan në disa valë në të gjithë Gazën, duke goditur shtëpitë dhe duke shkaktuar panik tek banorët.

Ministria e shëndetësisë së Gazës tha se katër fëmijë dhe katër gra ishin në mesin e të vrarëve. Gjysma e të plagosurve ishin gra dhe fëmijë dhe disa ishin në gjendje kritike në spital, shtoi ajo.

( Marrë nga BBC )