Sulmi kibernetik/ Tabaku: U vu në provë siguria kombëtare, pasojë e kulturës së mbrapshtë të instaluar nga partia/shtet
Deputetja demokrate Jorida Tabaku ka reaguar për sulmin kibernetik që goditi vendin tonë në muajin korrik. Tabaku deklaroi se sulmi kibernetik vuri në provë sigurinë kombëtare. Sipas saj, janë shpenzuar miliona dollarë nga buxheti për sigurinë kibernetike nga AKSH por rezultatet lënë për të dëshiruar. Deputetja demokrate deklaron se sulme të tilla vijnë si pasojë e kulturës së mbrapsht që partia/shtet ka instaluar.
“Sulmi kibernetik që goditi vendin gjatë verës është një mesazh i qartë dhe tregues i vulnerabilitetit tonë dhe njëkohësisht vuri në provë sigurinë tonë kombëtare. Miliona dollarë janë shpenzuar nga buxheti për sigurinë kibernetike nga AKSH ndërsa rezultatet lënë për të dëshiruar. A duhet të kishim dikë përgjegjës? Provat e reja të bëra publike duhet t’i raportohen Parlamentit dhe veçanërisht Komisionit të Sigurisë.
Për më tej masat duhet të merren nga qeveria për të rritur sigurinë kibernetike, masa serioze jo të ngjashme me prokurimet që sollën këtë situatë. Në epokën e digjitalizimit një vend i #NATO nuk mund të tolerojë në raste të ngjashme që rrezikojnë sigurinë kombëtare. Fatkqësisht sulme të tilla vijnë edhe si pasojë e një kulture të mbrapshtë që partia/shtet ka instaluar. Shqiptarët janë viktima të daljes së të dhënave personale të rrogave, targave të makinës dbe preferencave politike për interesa elektorale.
Papërgjegjshmëri të tilla e lehtësojnë punën e hakerave që jo rrallë kanë dhe ndihmën e një qeverie të papërgjegjshme dhe korrupte. Duke na rrezikuar dyfish sigurinë kombëtare që ka mbetur në duart e patronazhistëve”, shkruan Tabaku në rrjetin social Facebook.
/rtsh.al/