Tadic: Miratimi i planit, shans per bisedime

Presidenti serb, Boris Tadic ka deklaruar se vendimi i Keshillit te Sigurimit per te miratuar planin gjashtepikesh per vendosjen e misionit EULEX ne Kosove, paraqet nje sukses te madh politik per Serbine.

Ai po ashtu ka vleresuar se, heret apo vone, Beogradi duhet te bisedoje me perfaqesuesit legjitim te shqiptareve te Kosoves.

“Politika qe po ndjekim na forcon ne rrugen drejt integrimeve evropiane, por njekohesisht duke mos hequr dore nga mbrojtja e integritetit te shtetit tone ne asnje forum nderkombetar, qe nga BE e deri ne OKB”, ka deklaruar Tadic per mediat serbe.

Ai ka vleresuar se vendimi i Keshillit te Sigurimit te OKB-se shton shanset qe, pas deklarimit te Gjykates Nderkombetare te Drejtesise per ligjshmerine e shpalljes se pavaresise se Kosoves, Beogradi dhe Prishtina te kthehen serish ne tryezen e bisedimeve dhe te ripercaktojne ceshtjen e statusit te Kosoves.