Tajfuni Nesat godet Filipinet
Një tajfun i fuqishëm ka goditur Filipinet, duke shkaktuar përmbytje, ndërprerje të energjisë dhe aktiviteteve të punës në kryeqytetin Manila.
Tajfuni “Nesat” ka cuar gjithashtu në mbylljen e bursës së Filipineve dhe të ambasadës amerikane në kryeqytet. Të paktën dy persona janë vrarë dhe katër të tjerë raportohen të zhdukur.
Teksa stuhia afrohej, autoritetet urdhëruan evakuimin e mbi 100 mijë personave në provincën qendrore Albaj.
Tajfuni pritet të vazhdojë kalimin e tij në vend, para se të kalojë përmes detit të Kinës së Jugut për në jug të Kinës ditën e enjte.
“Nesat” ka shkaktuar gjithashtu rrëshqitje toke në provincat lindore Isabela dhe Aurora, në brigjet e oqeanit Paqësor.
Stuhija, me erëra që shkojnë deri në 170 kilometra në orë, aktualisht po kalon në ishullin e Luzonit, në të cilin jeton më shumë se gjysma e popullsisë së Filipineve.
Shumë rrugë janë mbuluar nga uji dhe fluturimet janë anuluar. Edhe mediat lokale po u bëjnë thirrje banorëve që të shmangin udhëtimet.
Në Manila, zyrat e qeverisë, shkollat dhe universitetet janë të mbyllura, pasi autoritetet dhanë alarmin për qytetarët.
Zyrtarët lajmëruan se zonat e ulëta të kryeqytetit janë jashtëzakonisht të prekshme nga përmbytjet dhe rrëshqitjet e tokës.
Të paktën dy persona kanë vdekur, mes të cilëve një fëmijë që ra në lum, në provincën qendrore Katanduanes.
Ndërkohë, katër peshkatarë rezultojnë të zhdukur, ndërsa 50 vetë u shpëtuan nga marina detare pasi varkat e tyre u përmbysën si pasojë e detit të trazuar. Autoritetet druhen se numri i viktimave mund të rritet.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Bulqizë, një minator braktis grevën
Tubim i minatorëve
Hipoteka nis rivlerësimin e pronave
Bode takon shefat e BB
Tiranë, ekzekutohet Arjan Selimi
Vizat, Brukseli i shqetësuar