Thaci Arresti ndaj Limaj vendim gjykate

Gjatë qëndrimit në Nju Jork, i pyetur lidhur me vendimin e gjykatës ndaj ish-ministrit Fatmir Limaj, kryeministri kosovar Hashim Thaci ka refuzuar të bëjë komente.

Thaci ka deklaruar se politika nuk duhet t’i komentojë vendimet e organeve të drejtësisë.

“Përsa i përket cështjes së Limajt, ajo nuk duhet të etiketohet si vendim i Gjykatës Kushtetuese për heqjen e imunitetit të deputetëve”, ka thënë shkurt Thaci.

Prishtinë, Limaj në arrest shtëpie

Gjykata e qarkut në Prishtinë ka dhënë masën 30 ditë arrest shtëpie për deputetin e PDK-së, Fatmir Limaj.

Ka qenë prokurori Përsa i përket cështjes së Limajt, ajo nuk duhet të etiketohet si vendim i Gjykatës Kushtetuese për heqjen e imunitetit të deputetëve

Hashim Thaci
Kryeministër i Kosovës i cështjes për krimet e luftës, i cili ka kërkuar masën e arrestit ndaj ish-luftëtarit të UCK-së.

Përvec akuzës për krime lufte, Limaj po hetohet edhe për korrupsion, që dyshohet ta ketë kryer gjatë kohës që drejtonte Ministrinë e Transporteve.

Nënkryetari i PDK u thirr në gjykatë pas shpalljes zyrtare të vendimit të Gjykatës Kushtetuese lidhur me imunitetin e deputetëve.

Limaj në arrest, reagime nga politika

Në Partinë Demokratike të Kosovës, ku edhe është nënkryetar z. Limaj, thonë se besojnë në pafajësinë e tij, ndërsa kreu i Kuvendit, që vjen po ashtu nga PDK është shprehur se dëshiron që gjyqësori të marre vendime të pavarura e jo të ndikuara nga politika, meqë sipas tij deri më tani gjithnjë ka ndërhyrë.

Lidhja Demokratike e Kosovës ka vlerësuar gatishmërinë e Limajt që të përballet me drejtësinë, kurse në dy subjektet e tjera opozitare, në Vetëvendosje dhe në Aleancën për Ardhmërinë e Kosovës janë shprehur më ashpër ndaj zhvillimeve të fundit që kur Gjykata Kushtetuese deklaroi se deputetët nuk kanë imunitet.
 
“Derisa në sistemin e drejtësisë ndërhyn politika, pra për fat të keq ajo ka ndërhyrë gjithnjë, rrezikohet funksionimi normal i sistemit të drejtësisë dhe i gjyqësisë. Ne dëshirojmë që gjyqësia të jetë e pavarur ne dëshirojmë që gjyqësia të merr vendime të pavarura dhe konform fakteve dhe dëshmive që i ka duke i respektuar ligjet që i kemi në fuqi", tha Jakup Krasniqi, kryetar i Kuvendit të Kosovës.

"Z. Limaj për të njëjtën vepër ka qenë i akuzuar edhe nga Gjykata Ndërkombëtare. Atje ka arrit suksesshëm të dëshmojë pafajësinë e tij, të dëshmojë se lufta e UCK-së dhe e popullit të saj ka qenë e drejtë. Dhe kam besim të plotë se z. Limaj edhe kësaj radhe do të arrijë suksesshëm të dëshmojë pafajësinë e tij", tha Adem Grabovci, kryetar i grupit parlamentar, PDK.

Ndërsa, Ismet Beqiri, kryetar i grupit parlamentar të LDK-së tha: "Ne duhet dhe e kemi obligim të besojmë në organet e drejtësisë dhe atyre duhet lënë fjalën. Por po them që duhet të përshëndetet qëndrimi i tij dinjitoz dhe pozitiv në aspektin e bashkëpunimit".

Deputeti i Vetëvendosjes Glauk Konjufca u shpreh se: "Para dy ditesh kemi thënë që kjo mund të shfrytëzohet poashtu edhe për eleminimin dhe spastrimet e brendshme partiake, të eleminimit të kundërshtarëve politik të kryeministrit, dhe mendoj që kjo është duke ndodhur aktualisht".

Ndërsa Ahmet Isufi, nënkryetar i AAK-së, vlerëson se dy akuzat tregojnë për joseriozitetin e ograneve të drejtësisë në Kosovë dhe ndikimet politike që po bëhen.

Në anën tjetër, mbrojtja e z. Limajt, në “rastin Kleçka” pret që procesi gjyqësor ndaj tij të fillojë gjatë muajit të ardhshëm. Gjykata Kushtetuese ditë më parë mori vendim që deputetët nuk gëzojnë imunitet për vepra penale që dyshohet se janë kryer jashtë fushëveprimit të tyre parlamentar, dhe se mund të arrestohen.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Ndërhyn KFOR, heq barrikadat
Trupat e NATO-s kanë filluar largimin e barrikadave të cilat janë të vendosura në pjesën veriore të Kosovës. Kosovë, “korrupsion masiv me tenderat”
Korrupsioni në Kosovë është një fenomen mëse real, që ka depërtuar në organizmat më të lartë shtetërorë e institucionalë. Zgjatet paraburgimi për ish-luftëtarët e UCK
Gjykata e qarkut në Prishtinë u ka zgjatur paraburgimin edhe për 2 muaj 4 ish-pjesëtarëve të UÇK-së, të cilët akuzohen për cështjen “Kleçka”. Hoxhaj, takime me homologët në Nju Jork
Ministri i Jashtëm i Kosovës, Enver Hoxhaj pritet të takohet me zyrtarë të shteteve të tjera që nuk e kanë njohur ende pavarësinë e Kosovës. Bisedimet, raundi i ri në dilemë
Delegacioni i Kosovës në bisedimet me Serbinë, i kryesuar nga zëvendëskryeministrja Edita Tahiri, është nisur sot drejt Brukselit për raundin e ri të dialogut.

Lajmet kryesore

Bulqizë, një minator braktis grevën
Tubim i minatorëve
Hipoteka nis rivlerësimin e pronave
Bode takon shefat e BB
Tiranë, ekzekutohet Arjan Selimi
Vizat, Brukseli i shqetësuar