Takimi me Brahon, Ambasada e Holandës: Rikonfirmojmë mbështetjen për SPAK dhe sundimin e ligjit në Shqipëri

Ambasadori i Holandës në Shqipëri, Reinout Vos, zhvilloi të enjten takimin e parë zyrtar me drejtuesin e ri të Prokurorisë së Posaçme Anti Korrupsion, Klodjan Braho.

Takimi mes Brahos dhe ekipit diplomatik u zhvillua në ambjentet e SPAK.

Në një reagim në profilin e saj zyrtar në Facebook, Ambasada e Holandës bën të ditur se takimi ishte në kornizën e një vizite kortezie për të përgëzuar Brahon për emërimin e tij në SPAK.

“Sot, ekipi i Ambasadës tonë zhvilloi një vizitë kortezie për të përgëzuar kreun e ri të SPAK, Klodjan Braho, për emërimin e tij dhe arritjet e institucionit. Përmes projekteve tona MATRA dhe krahas bashkëpunimit tonë të fortë bilateral, ne rikonfirmojmë mbështetjen tonë për SPAK dhe sundimin e ligjit në Shqipëri”, shkruhet në reagimin e Ambasadës së Hollandës.

Klodian Braho u zgjodh në krye të SPAK më 11 dhjetor 2025 duke pasur në këtë detyrë Altin Dumanin.

Më herët, kreu i SPAK është takuar edhe diplomatë të tjerë në vend, përfshirë ata të SHBA dhe Bashkimit Europian.