Taksa na varferon kulturen

Sali Bashota - poet, shkrimtar, drejtor i Bibliotekes Kombetare, Prishtine
Qarkullimi i lire i librit ne tere hapesiren kulturore shqiptare, pa ngarkesa te tatimeve te vleres se shtuar, do te ishte nje shembull shume domethenes per vendimin e drejte qe do te merrnin institucionet qeveritare si ne Shqiperi, po ashtu edhe ne Kosove. Pra, vendosja dhe rivendosja e taksave per librin, eshte nje kufizim teper i ndjeshem per lexuesin, prandaj ky veprim mund te kete efekte negative ne shume drejtime. Taksat doganore te percaktuara per librin, gjithsesi, do te varferonin kulturen e lexuesve, funksionin e botuesve, gjithsesi, do te varferonin edhe perkushtimin dhe vullnetin e autoreve, madje edhe ne nxitjen, perkrahjen, stimulimin e vlerave. Prandaj, autoret, botuesit, lexuesit, bibliotekat etj., me funksionalizimin e ligjit per rivendosjen e TVSH-se, pa dyshim, do te jene ne nje pozicion te palakmueshem ne shume fusha te bashkepunimit, qofte madje edhe ne relacionet brendashteterore apo ne relacionet kulturore Shqiperi-Kosove.
Fundja, shoqeria demokratike shqiptare, per te hyre ne boten moderne te komunikimit kombetar dhe nderkombetar, pikerisht ne shekullin XXI, gjithsesi, ka nevoje per nje qarkullim te lire te librit.