Taksat, jo ulje, por miradministrim

Pas rehabilitimit te politikes fiskale, Ministria e Financave do te kete ne fokusin e saj kryesor per periudhen ne vazhdim miradministrimin fiskal, cka do te thote sherbime me te permiresuara per biznesin. Burimet nga Ministria e Financave, bejne te ditur se po pergatitet plani per administrimin fiskal, i cili synon dhe fokusohet ne strukturimin teresor te sherbimeve tatimore dhe doganore. Ne themel te reformes do te jete informatizimi i dy sistemeve dhe rritja e cilesise se sherbimeve per te theksuar nivelin e konkurrences ne treg dhe per te dominuar evazionin fiskal, qe ende vazhdon ne segmente te caktuara te tregut shqiptar. Ne kete kuader eshte duke u punuar drejt permiresimit te sistemit apelues, me dy nivele administrative dhe gjyqesore. "Gjithashtu gjate viteve qe vijne do te behet e mundur kompjuterizimi i te gjitha zyrave tatimore e doganore, duke rritur cilesine e sherbimit ndaj tatimpaguesve. Po e njejta reforme do te ndermerret edhe ne sektorin doganor", cilesohet ne platformen e financave. Me reformen e administrimit te sherbimeve tatimore dhe doganore ndaj taksapaguesve, Ministria e Financave ploteson ne nje fare mase detyrimet qe rrjedhin nga MSA dhe strategjite e tjera zhvillimore te vendit. Gjate tre viteve, Ministria e Financave mori nje reforme sasiore ne sistemin e taksave. Gjate kesaj kohe eshte ulur me shume se dy here barra e taksave mbi ekonomine dhe mbi biznesin. Taksa korporative, tatimi mbi fitimin, nga 25 % eshte ulur ne 10, taksa e punes nga 30 % eshte ulur ne 15 %, tatimi mbi biznesin e vogel nga 3 % mbi xhiron eshte ulur ne 1.5 %. Gjithashtu jane hequr rreth 26 taksa dhe tarifa nacionale per te krijuar ne ekonomine shqiptare nje ambient inkurajues per rritjen e investimeve direkte ne ekonomi, te huaja dhe te brendshme dhe rritja ka qene thelbesore. Nga viti ne vit vellimi i investimeve te huaja direkte ne ekonomine shqiptare eshte dyfishuar.