Të enjten fillojnë Mbrëmjet Strugane të Poezisë

Shkup, 7 gusht, NOA Edicioni i 49-të i Mbrëmje Strugane të Poezisë fillon ditën e enjte më 19 gusht, me mbjelljen tradicionale të drurit të frashërit në Parkun e Poezisë, nga ana e fituesit të Kurorës së Artë të MSP, poetit Lubomir Levçev nga Bullgaria, aty ku janë edhe laureatët e tjerë gjatë 48 viteve të kaluara.

Hapja solemne dhe mbrëmja poetike me titull Meridianet poetike do të zhvillohen në mbrëmje në Pallatin e kulturës në Strugë.

Fituesi i Kurorës së Artë të MSP, Lubomir Levçev, do të mbajë konferencën tradicionale për gazetar.

Nga dita e enjte, Struga do të jetë nikoqire e shumë poetëve nga mbarë bota, pjesëmarrës në edicionin e 49 të MSP.

Organizatori për këtë vit ka paralajmëruar se pjesëmarrës janë rreth 60 poet nga të gjitha kontinentet si dhe rreth 50 poet nga vendi.

Po ashtu sipas organizatorit, MSP-2010, do të pasurohen më përmbajtje të reja bashkëkohore, krahas përmbajtjeve të standardizuara.

Do të ketë një miks muzikë-poezi, ku do të paraqiten muzikantët nga Izraeli, Spanja, Italia, Serbia etj, duke sintetizuar poezinë me muzikën.

Krahas mbrëmjeve të njohura Urat Meridijanet, Nata pa interpunkcion, portreti i Laureatit në kishën mesjetare Shën Sofia në Ohër, këtë vit, Mbrëmja e poezisë nacionale i kushtohet poezisë së Azerbejxhanit.

Laureati i sivjetmë i Kurorës së Artë të MSP, poeti 75 vjeçar, Lubomir Levçev nga Bullgaria, është autor i 50 përmbledhjeve me poezi në gjuhën bullgare, të botuara nga viti 1957 deri më 2007 si dhe autor i mbi 70 veprave të botuara në shumë vende të botës.

NOA/INA