Ndriçohen monedhat e shekullit XII, janë zbuluar në Finiq

Thesari i rrethinave të Finiqit prej 182 monedhash veneciane dhe një unaze argjendi me shqiponjë në krye, të periudhës së shekullit dymbëdhjetë janë ndriçuar nga restauruesi Frederik Stamati në laboratorin e qendrës së konservimit dhe restaurimit të Tiranës.
Thesari venecian i monedhave ndahet në monedha bakri të lara me argjend dhe në monedha argjendi të pastër. Sipas restauruesit Stamati
monedhat jo vetëm u bënë plotësisht të lexueshme, por u konstatua dhe mënyra e prerjes krahas metalit ku vërehet një prerje me gersherë dhe stampim i faqes dhe shpinës.

Pikpyetje të tjera pas pastrimti dhe shkëlqimit të monedhave venecjane u mbeten numizmatistëve për të gjetur të dhëna historike si ndikimet ekonomike, lidhjet tregtare dhe motivin e groposjes së thesarit.
Në rrethinat e vendbanimit antik të Finiqit janë zbuluar edhe dy thesarë të tjerë edhe më të mëdhenj të cilët ndodhen të ekspozuar në Muzeun Arkeologjik të Butrintit pas ndërhyrjes restauruese.