Te lumtur me PS-ne
Edlria PRENDI
Partia Demokratike shfaq hera-heres shenja mirekuptimi te thelle me rivalen e saj Socialiste. Deputetet Aldo Bumci dhe Arenca Trashani, anetare te grupit per reformen ne drejtesi, thone se jane te kenaqur nga bashkepunimi me opoziten ne Komisionin e Ligjeve, ndonese nuk kane pergatitur asnje draft konkret me propozimet e tyre per kete reforme. Deputetet demokrate ne kete komision thone gjithashtu se bashkepunimi eshte i kenaqshem dhe diskutimi eshte perqendruar kryesisht ne ligjin aktual. Sipas ish-ministres se Integrimit, Arenca Trashani, puna e ketij komisioni eshte perqendruar kryesisht mbi ligjin aktual dhe propozimet e ardhura nga grupet e interesit dhe institucionet shteterore, ndersa vete mazhoranca qeverisese nuk ka nje draft konkret propozimesh per pikat ne te cilat duhet te reformohet drejtesia. "Grupi i relatoreve po punon nen per nen me projektligjin, i cili ka kohe qe eshte ne Kuvend. Deri ne keto momente ka qene nje bashkepunim shume i mire dhe kemi punuar vetem me materiale qe kane kohe qe ndodhen ne Komisionin e Ligjeve, si relacione te relatoreve te pare, materiale te mbledhura nga institucionet shteterore dhe grupet e interesit, si konferenca e gjyqtareve apo Komuniteti i Helsinkit etj. I vetmi draft eshte projektligji aktual, per te cilin jemi te gjithe dakord qe te punojme mbi te. Per momentin nuk me rezulton asnje pengese apo mosdeshire", tha Trashani per "Korrierin". Ndersa relatori tjeter i djathte ne kete komision, ish-ministri i Drejtesise, Aldo Bumci, thote se puna po ecen normalisht dhe ne mirekuptim te plote. Sipas tij, "po punojme per cdo nen. Kemi kaluar disa nene, por mbledhjet e komisionit do t'i bejme pa mediat. Me opoziten po shkojme shume mire, ne komision i kemi kaluar me konsensus nenet e para". Deputetet demokrate thane qe komisioneret kane vendosur te punojne pa pranine e mediave, ne menyre qe vemendja te jete me e madhe mbi legjislacionin qe diskutohet, duke shmangur tundimin per te bere shou mediatik. Reagimi i deputeteve demokrate erdhi pas nje qendrimi te opozites, sipas te cileve mazhoranca nuk ka paraqitur asnje draft lidhur me pikat ku ata kerkojne te nderhyhet per te bere reformen ne sistemin e drejtesise.