Të nominuarit e çmimeve KULT
Akademia KULT sjell për të shtatin vit radhazi “Çmimet Kult”, të vetmet çmime kulturore kombëtare vjetore. Ky aktivitet, tashmë i kthyer në traditë, sjell në konkurrim artistët më të mirë të artit dhe kulturës shqiptare. Edicioni i shtatë sjell në garë 48 artistë, të cilët konkurrojnë në 12 fusha: Artisti Pamor i Vitit, Regjisori i Vitit, Dokumentari i Vitit, Aktori i Vitit, Aktorja e Vitit, Instrumentisti i Vitit, Balerini i Vitit, Interpretuesi Lirik i Vitit, Albumi Muzikor i Vitit, Libri Artistik, Libri Studimor, Përkthimi i Vitit. Çmimet për artistët më të mirë të vitit janë rezultat i punës njëvjeçare të gazetarëve të revistës “Kult”, revista e vetme kulturore në vend, e cila mund të quhet me të drejtë një promotor i ideve, koncepteve dhe ngjarjeve në fushën e artit dhe kulturës. Duke qenë një përçues i denjë i ideve&koncepteve të reja, duke pasqyruar saktësisht elementet e traditës me veçoritë e reja që zënë vend në jetën artistike, Akademia Kult vëren me kënaqësi se këtë vit, kandidatët-garues janë të moshave të ndryshme, çka nënkupton një fillesë artistike që premton vazhdimësinë e brezit me pjekuri dhe eksperiencë artistike. Nata finale e “Çmimeve Kult 2011” do të zhvillohet më 31 tetor në Pallatin e Kongreseve.
Të nominuarit në 12 fusha të artit
ARTISTI PAMOR I VITIT
Ledia Kostandini - ekspozitë e përbashkët “Ardhje 2010” - Galeri “Zeta”
Lekë Tasi - ekspozitë personale pikture me kompozime - Galeri “DidArt”
Pashk Përvathi - ekspozitë personale pikture – Galeria Kombëtare e Arteve
Stefan Taçi - ekspozitë personale pikture “Na ishte njëherë Tirana (1973-2010)” - Galeri “Kledio”
INTERPRETUESI LIRIK I VITIT
Armando Likaj (Hofman) - “Përrallat e Hofmanit”
Inva Mula (Olimpia, Antonia, Xhuljeta) – “Përrallat e Hofmanit”
Mariana Leka (Desdemona)- “Otello”
Vikena Kamenica (Nicklausse, Muse) – “Përrallat e Hofmanit”
INSTRUMENTISTI I VITIT
Kuintet me kitarë+violinë+violë+violonçel
Admir Doçi (kitarë), Blerta Ristani Jakova (violinë), Jadvina Vani (violinë), Albana Kola (violë), Aristidh Prosi (violonçel) - koncert me pjesë nga Mario Castelnuovo –Tedessco, Franz Schubert etj. Tirana
Elda Laro (piano) - koncert recital me muzikë të Bahut, Beethovenit, Fieldit dhe Shopenit
Kristina (Petrollari) Laço (piano) - koncert me orkestrën e RTSH-së me pjesë nga I.Tchaikovsky: “Koncert për piano Nr. 1 në si bemol”
Mialtin Zhezha (violinë & violë) – koncert recital
ALBUMI MUZIKOR I VITIT
Blero – “Tara”
Endri dhe Stefi, Vëllezërit korçarë – “Dua të më tregosh”
Irma Libohova – “Pranga Malli”
Shpat Deda – “Molla e parë”
AKTORJA E VITIT
Eftiola Laçka (Thjeshtra) - “Gjashtë personazhe kërkojnë autor”
Klodjana Keco (Ana Kristi) - “Ana Kristi”
Luli Bitri (Roboti Kloe) - “Më e vërtetë se e vërteta”, një robot për dashurinë
Sanije Hoti (Doktor Adhamudhi) - “Pas vdekjes”
REGJIA E VITIT
Hervin Çuli - “Pas vdekjes”
Mehmet Xhelili - “Gjashtë personazhe kërkojnë autor”
Rozina Kostani - “Më e vërtetë se e vërteta”, një robot për dashurinë
Stefan Çapaliku - “Birrë, gozhdë dhe sapun”
AKTORI I VITIT
Bujar Asqeriu (Doktor Gurameto) - “Darka e gabuar”
Fatos Sela (Babai) - “Gjashtë personazhe kërkojnë autor”
Lulzim Zeqja (Kristi) - “Playboy i trojeve tona”
Neritan Liçaj (Francesco) – “Më e vërtetë se e vërteta”, një robot për dashurinë
BALERINI I VITIT
Elton Cefa – “Parfumi”
Ervis Nallbani – “Carmen”
Greta Hushi – “Arrëthyesi”
Ledia Sulaj - “Arrëthyesi”
FILMI DOKUMENTAR
Kujtim Gjonaj - “Ëndrra e Çamërisë”
Donika Mustafaj – “Fëmijëria peng dhe fëmijëria e humbur”
Engjëll Ndocaj – “Një papë shqiptar”
Ylli Drishti – “Taso”
LIBRI STUDIMOR
Artan Fuga – “Monolog: mediat dhe propaganda totalitare”
Aurel Plasari – “Skënderbeu: një histori politike”
Pëllumb Xhufi – “Shekulli i Voskopojës: (1669-1769)”
Sabri Hamiti – “Poetika shqipe”
LIBRI ARTISTIK
Albana Shala – “Parajsa është e portokalltë” - poezi
Lindita Arapi – “Vajzat me çelës në qafë” - roman
Preç Zogaj – “Nuk ndodh asgjë veç dashurisë...” - poezi
Rudi Erebara – “Vezët e Thëllëzave” - roman
PERKTHIMI
Ardian Klosi/ Franz Kafka – “Vepra e plotë në prozën e shkurtër” – tregime
Bajram Karabolli/ Mario Vargas Llosa – “Festa e Cjapit” - roman
Jonila Godole/ Rainer Maria Rilke – “Elegji Duine” – poemë
Saverina Pasho/ Michel Houellebecq – “Ishulli i mundshëm” - roman