Te premten shpallet lista anti-Malte
Lojtaret me te mire te kampionatit tone, qe kane enderr te veshin nje dite fanellen kuqezi, do te perqendrohen ne cdo fjale qe do te thote trajneri kuqezi, ne nje konference shtypi qe do te mbaje holandezi, kete te premte. Han dhe ndihmesi i tij, do te shohin sot secili nga nje ndeshje te kampionatit. Neser, Tirana do te prese nje dite me vonese Shkumbinin, per t'i dhene mundesi trajnerit kuqezi, qe te shohe edhe kontingjentin bardheblu. Migen Memelli eshte lojtari qe pritet te klasifikohet si kuqezi, ne listen anti-Malte. Pervec Ansi Agollit dhe Andi Liles qe jane ne kombetare, dhe Abrahamit dhe Pezos qe jane te huaj, Muzaka eshte perfshire ne nje miqesore, ne planet e Ari Han. Ne radhet e Dinamos, pervec mesfushorit Elis Bakaj, Plaku, dhe Allmuca, do te jene ne fokusin e holandezit. Edhe Vllaznia disponon elemente te mundshem per te veshur fanellen kuqezi. Pasi te kete shpallur listen te premten, trajneri do te qendroje deri te dielen ne Tirane dhe do te niset me lojtaret qe jane ne Shqiperi drejt Maltes. Te henen, i tere kontingjenti do te jene ne dispozicion te trajnerit Ari Han, per ndeshjen e peste te eliminatoreve te Kupes se Botes "Afrika e Jugut 2010", ku do te luajme ndeshjen e peste te eliminatoreve. Ndeshja do te luhet ne date 11 shkurt ne oren 19:30 ne stadiumin "Ta'Qali" te La Valetes.