Te varfrit, ne sherbim se te moshuarve

Nje forme tjeter e punes ne komunitet eshte propozuar per te gjithe ato familje qe aktualisht jane ne skemen e ndihmes ekonomike. Keshtu, pervec punes ne komunitet, e kryesisht me pastrimin dhe mirembajtjen e mjediseve te perbashketa, bashkia e Tiranes i ka propozuar keshillit bashkiak nje forme tjeter punesimi per kete kategori. Behet fjale per sherbimin qe do t'u behet te moshuarve, ku perfshihet gatimi i nje vakti, pastrimi i baneses se te moshuarit, pagesa e faturave te ujit, dritave, qirase, etj. Gjithashtu, ne punen e atij qe do te punesohet nga bashkia, hyn edhe shoqerimi i te moshuarit ne shetitje, ne ambiente institucionale ose joinstitucionale etj. Sipas burimeve nga bashkia e Tiranes, ky projekt do te kete nje akses te madh jo vetem ne ndihmen e moshes se trete, por edhe te familjeve ne nevoje qe aktualisht perfitojne ndihme ekonomike, por qe bashkia i jep mundesine e punesimit, me nje rroge te pranueshme. Kriteret per punesimin e familjeve ne nevoje lidhen me aftesine e tyre per pune, mosha 18-50 vjec, si dhe qenia e tyre ne skemen e ndihmes ekonomike per nje periudhe me se dy-vjecare. Ata individe qe nuk pranojne te perfshihen ne kete projekt, do te perjashtohen nga skema e ndihmes ekonomike, sepse supozohet qe ata ta perfitojne kete ndihme pa te drejte, ndersa mund te jene te punesuar diku tjeter. Deri tani, projektit te "Skemes se re te ndihmes ekonomike te shoqeruar me pune ne komunitet", ka funksionuar kryesisht me pastrimin dhe mirembajtjen. Realizimi i ketij projekti do te beje te mundur rritjen e te ardhurave te familjeve te varfra, te cilat jane te perfshira ne skemen e ndihmes ekonomike.