Teatri i Metropolit ve ne skene premieren Vitaminat

Në teatrin e Metropolit u shfaq premiera e parë për femijë, "Vitaminat" ose ndryshe "Të gjithë për një, një për të gjithë". Kjo pjesë është shkruar nga Flamur Topi dhe u ngjit në skenë me regji të Alma Hotit. Në këtë shfaqje shpalosen mesazhe edukative për fëmijët, të cilat regjisorja i rendit të gjitha nëpërmjet situatave komike dhe reale që interpretohen nga aktoret. Përmes kësaj pjese iu bëhet e ditur fëmijëve sa e rëndësishme është një ushqyerje e mirë”
Ndërkohë që në këtë pjesë interpretojnë krahas aktorëve profesionist ëJona Rexha, Florian Kokona, Arbër Islami dhe vetë femijët, të cilët përfaqësojnë nga një vitaminë të domosdoshme për jetën e tyre.
Shfaqja nis me një festë ku marrin pjesë të gjithë vitaminat me rastin e 100 vjetorit të zbulimit të tyre. “Jeta” është ajo që vëzhgon dhe ndërhyn në mënyra të ndryshme në zhvillimin e fabulës. Premiera është pritur ndjekur nga një numër i madh fëmijësh të kryeqytetit.