TemA TV/ U padit nga Shkëlzen Berisha, gjykata gjobit 2 milion lekë Taulant Ballën (VIDEO)
Gjykata e Tiranës ka dënuar me 2 milion lekë gjobë deputetin e Partisë Socialiste, Taulant Balla. Ai ishte paditur për shpifje nga djali i kryeministrit, Shkëlzen Berisha.
Vendimi u dha në mesditë dhe mban firmën e gjyqtarit Ridvan Hado, (kryetar i trupit gjykues edhe për dosjen Gërdeci), i cili pranoi pjesërisht padinë e djalit të kryeministrit që kishte kërkuar 7 milion lekë dënim.
Pas vendimit, avokati i deputetit opozitar Balla, Eridian Salenji tha se vendimi i dhënë nga gjykata kërkon ti mbyllë gojën dhe gjunjëzojë opozitën.
Bashkë me Rilindjen do të rilindin edhe gjykatat, tha avokati i Ballës.
Avokati i Shkëlzen Berishës ishte Fatos Lazimja, djali i tezes së Monika Kryemadhit, gruaja e Ilir Metës.
Padia ndaj Taulant Ballës u depozitua pak muaj më parë, pas deklarimit që deputeti socialist bëri në adresë Berishës për afera korruptive.