Tensionet në Kuvend, shtyhet për të hënën seanca plenare

TIRANË, 13 shkurt /ATSH/ Seanca plenare e ditës së sotme është shtyrë për t’u zhvilluar ditën e hënë më datë 17 shkurt.

Kështu bëri të ditur kryetarja e Parlamentit Elisa Spiropali, e cila theksoi se ishte informuar nga shërbimet e Kuvendit “se kartat e deputetëve janë marrë nga vendet e tyre në mënyrë krejt të paarsyeshme”.

Kryeparlamentarja tha më tej se “për shkak të situatës së krijuar, akteve të dhunës, të përsëritura dhe të tjera problemeve të renda të mbarëvajtjes, kjo seancë shtyhet për të hënën në orën 10 në mëngjes”.

“Uroj shumë që të hënën në 10 të vinin me mend të tjera dhe të respektojmë qytetarët që na kanë votuar e t’i kthehemi normalitetit, votimit dhe diskutimeve siç na takon”, tha Spiropali. /j.p/