Tërhiqet Berisha nga rritja epagave? Asnjë fjalë në qeveri
Të tjera rreth shkrimit Ja çfarë tha Berisha një javë më parë
TIRANE- Një javë më parë, pasi miratoi vendimin për rritjen e pagës minimale për punonjësit e administratës me 11.3 %, Kryeministri Berisha premtoi miratimin e vendimit për rritjen e pagave dhe pensioneve në mbledhjen e radhës. Por kjo nuk ndodhi. Në mbledhjen e sotme të qeverisë, Kryeministri foli për situatën ekonomike, papunësinë, qeverinë e re që do të formohet në shtator, vendime për dhënie me koncension, por asnjë fjalë nuk u tha për pagat dhe pensionet.
Në mbledhjen e kaluar, kreu i qeverisë tha se “Rritja e pagës minimale për punonjësit e administratës është vendimi i pasë sa i takon mbajtjes së premtimit të bërë para zgjedhjeve, ndërsa javën që vjen (më 10 korrik) miratohet vendimi për rritjen e pagave dhe pensioneve. Ky është premtim që do të mbahet siç është dhënë, fjala e dhënë, fjala e mbajtur”.
Ende nuk dihet nëse kryeministri është tërhequr nga ky vendim, pasi edhe Partia Socialiste ka kërkuar të mos merren vendime me efekte ekonomike gjatë kësaj periudhe.
BERISHA: SITUATA EKONOMIKE NE VEND ESHTE NE PERMIRESIM PROGRESIV
Në mbledhjen e Këshiillit të Ministrave, kreu i qeverisë është ndalur tek situata ekonomike në vend. Sipas Berishës, situata ekonomike në vend është në përmirësim progresiv. Duke u ndalur tek vlerësimet nga Komisioni Europian, kryeministri Berisha tha se Shqipëria renditet mes vendeve me zhvillim të qendrueshëm ekonomik.
“Sipas Komisionit Europian, situata ekonomike në Shqipëri vazhdon në përmirësim progresiv, domethënë rritja e tremujorit të parë ka qenë 1.7 %, nuk është një rritje e madhe, po është 4 herë më e madhe sesa ishte rritja në tremujorin e parë të vitit 2012. Pozitiv është fakti se bilanci tregtar ka një përmirësim të ndjeshëm dhe një defiçit më të ulët. Është ruajtur në parametrat e përcaktuar defiçiti buxhetor. Inflacioni ishte rreth 2.4 %. Ekonomia vazhdon rritjen, dhe krijimin e vendeve të punës, sektori jo bujqësor, krijoi rritjen me 7.1 % në tërësi”, tha Berisha.
Më tej, kreu i qeverisë u ndal tek tregu i punës në vend, duke theksuar se papunësia në vend ka shënuar një rritje me 0.5 %.
“Rritja e papunësisë në vend është me 0.5 %. Të dhënat sipas KE tregojnë se në rast se eurozona nga një papunësi prej 12.2 %, Shqipëria është i vetmi vend jashtë eurozonës, me një papunësi 12.8 %. Papunësia e të rinjve sipas kësaj statistike është 22.8 në Shqipëri”, vijoi kreu i qeverisë.
BERISHA: OPOZITA PO SHFAQ SHENJA REVANSHI TE PAPRANUESHME
Kreu i qeverisë i quajti të papranueshme diskutimet e Partisë Socialiste, lidhur me vendimet aktuale që po merr Këshilli i Ministrave. Partia Socialiste ka shprehur shqetësimin lidhur me vendimet e ndërmarra së fundmi, të cilat shoqërohen me efekte ekonomike.
Por, Berisha, është shprehur se qeveria që ai drejton do të vijojë me punën e saj, si dhe ftoi administratën të zbatojë me përpikmëri programin e qeverisë, deri në ditën kur do të fillojë mandati i ekzekutivit të ri.
“Stabiliteti ekonomike që i dorëzojmë mazhorancës së re që po shfaq shenja revanshi të papranueshme, që janë dëshmi e një epshi për pushtet të papërmbajtur, pasi do t'i diktojë qeverisë në detyrë rregullat që janë të shkruara në kushtetutën e Bangladeshit, por ato për të krijuar qeverinë teknike, ato e kanë të shkruar se 3 muaj para zgjedhjeve qeveria dorëzon pushtetin dhe detyrën e merr kryetari i Gjykatës së Kushtetuese, por në Europë ekzekutivit i njihen kompetenca të plota deri në ditën e instalimit të qeverisë dhe mazhorancës tjetër. Ftoj administratën për zbatimin me përpikmëri të programit të qeverisë deri ditën kur do të vijë qeveria e re. Diskutimet për vendimet e deritanishme janë një debat shtazë, që ka të bëjë me revanshin për pushtet. Ftoj administratën që mos kushtëzohet dhe të punojë deri në ditën kur fillon mandati i ekzekutivit të ri”, tha Berisha.
Redaksia Online
(e.s/shqiptarja.com)
Në mbledhjen e kaluar, kreu i qeverisë tha se “Rritja e pagës minimale për punonjësit e administratës është vendimi i pasë sa i takon mbajtjes së premtimit të bërë para zgjedhjeve, ndërsa javën që vjen (më 10 korrik) miratohet vendimi për rritjen e pagave dhe pensioneve. Ky është premtim që do të mbahet siç është dhënë, fjala e dhënë, fjala e mbajtur”.
Ende nuk dihet nëse kryeministri është tërhequr nga ky vendim, pasi edhe Partia Socialiste ka kërkuar të mos merren vendime me efekte ekonomike gjatë kësaj periudhe.
BERISHA: SITUATA EKONOMIKE NE VEND ESHTE NE PERMIRESIM PROGRESIV
Në mbledhjen e Këshiillit të Ministrave, kreu i qeverisë është ndalur tek situata ekonomike në vend. Sipas Berishës, situata ekonomike në vend është në përmirësim progresiv. Duke u ndalur tek vlerësimet nga Komisioni Europian, kryeministri Berisha tha se Shqipëria renditet mes vendeve me zhvillim të qendrueshëm ekonomik.
“Sipas Komisionit Europian, situata ekonomike në Shqipëri vazhdon në përmirësim progresiv, domethënë rritja e tremujorit të parë ka qenë 1.7 %, nuk është një rritje e madhe, po është 4 herë më e madhe sesa ishte rritja në tremujorin e parë të vitit 2012. Pozitiv është fakti se bilanci tregtar ka një përmirësim të ndjeshëm dhe një defiçit më të ulët. Është ruajtur në parametrat e përcaktuar defiçiti buxhetor. Inflacioni ishte rreth 2.4 %. Ekonomia vazhdon rritjen, dhe krijimin e vendeve të punës, sektori jo bujqësor, krijoi rritjen me 7.1 % në tërësi”, tha Berisha.
Më tej, kreu i qeverisë u ndal tek tregu i punës në vend, duke theksuar se papunësia në vend ka shënuar një rritje me 0.5 %.
“Rritja e papunësisë në vend është me 0.5 %. Të dhënat sipas KE tregojnë se në rast se eurozona nga një papunësi prej 12.2 %, Shqipëria është i vetmi vend jashtë eurozonës, me një papunësi 12.8 %. Papunësia e të rinjve sipas kësaj statistike është 22.8 në Shqipëri”, vijoi kreu i qeverisë.
BERISHA: OPOZITA PO SHFAQ SHENJA REVANSHI TE PAPRANUESHME
Kreu i qeverisë i quajti të papranueshme diskutimet e Partisë Socialiste, lidhur me vendimet aktuale që po merr Këshilli i Ministrave. Partia Socialiste ka shprehur shqetësimin lidhur me vendimet e ndërmarra së fundmi, të cilat shoqërohen me efekte ekonomike.
Por, Berisha, është shprehur se qeveria që ai drejton do të vijojë me punën e saj, si dhe ftoi administratën të zbatojë me përpikmëri programin e qeverisë, deri në ditën kur do të fillojë mandati i ekzekutivit të ri.
“Stabiliteti ekonomike që i dorëzojmë mazhorancës së re që po shfaq shenja revanshi të papranueshme, që janë dëshmi e një epshi për pushtet të papërmbajtur, pasi do t'i diktojë qeverisë në detyrë rregullat që janë të shkruara në kushtetutën e Bangladeshit, por ato për të krijuar qeverinë teknike, ato e kanë të shkruar se 3 muaj para zgjedhjeve qeveria dorëzon pushtetin dhe detyrën e merr kryetari i Gjykatës së Kushtetuese, por në Europë ekzekutivit i njihen kompetenca të plota deri në ditën e instalimit të qeverisë dhe mazhorancës tjetër. Ftoj administratën për zbatimin me përpikmëri të programit të qeverisë deri ditën kur do të vijë qeveria e re. Diskutimet për vendimet e deritanishme janë një debat shtazë, që ka të bëjë me revanshin për pushtet. Ftoj administratën që mos kushtëzohet dhe të punojë deri në ditën kur fillon mandati i ekzekutivit të ri”, tha Berisha.
Redaksia Online
(e.s/shqiptarja.com)