Thaçi:Kufijtë e Kosovës të paprekshëm

Kosova është shtet i pavarur me territorin e saj dhe kufij të paprekshëm. Kështu ka deklaruar kryeministri Hashim Thaçi teksa ka komentuar edhe strukturat paralele të ngritura në Veri të Kosovës. Gjatë fjalës së tij në Kuvend, zoti Thaçi u shpreh se veriu mbetet sfida me e madhe per kabinetin qe ai drejton. Sipas tij, askush nuk mund të veprojë sipas interesave individuale në këtë krahinë, pasi e ardhmja e veriut eshte e ardhmja e gjithe Kosovës.