Thaçi: Në vijim me reformat politike, pas zgjedhjes së Presidentes

Kryeministri i Ksoovës, Hashim Thaçi, ka përshëndetur deputetët e Kuvendit për besimin e dhënë Atifete Jahjagës, për presidente të Republikës së Kosovës.
 

“Është një e arritur e re e Republikës së Kosovës, një e arritur e qytetarëve të Kosovës, një e arritur e madhe e spektrit politik të Kosovës, duke gjetur gjuhën e përbashkët për daljen nga situata e krijuar pas vendimit të Gjykatës Kushtetuese”, tha kryeministri.
 

“Tani vazhdojmë me axhendën tonë, me reforma politike dhe ekonomike, me fuqizimin e institucioneve tona për punë më efikase dhe efektive”.