Tiranë, zjarr në Bathore, Kamëz dhe pranë spitalit Nr.5

Tri vatra zjarri janë rregjistruar brenda pak orëve ditën e sotme në kryeqytet. Fatmirësisht nuk ka patur njerëz të lënduar në asnjërin prej rasteve.

Zjarri i parë  u raportua në Bathore, dhe me ndërhyrjen e zjarrfikësve  u bë e mundur lokalizimi i shpejtë.

Ndërkaq, vendgrumbullimi i plehrave në Kamëz u përfshi nga flakë të mëdha, duke shkaktuar ndotje të mëdha në zonë. Tre makina zjarrëfikësve janë përfshirë në aksion për fikjen e zjarrit, i cili vazhdon ende.

Një tjetër vatër zjarri është raportuar edhe në zonë  e spitalit Nr.5 në kryeqytet, brenda tregut të rrobave të përdorura. Zjarrëfikëset janë në vendngjarje dhe po punojnë për izolimin e flakëve.]

Ende nuk ka të dhëna lidhur me shkaqet që kanë shkaktuar zjarret.