Tiranë, zjarr në një pallat, një personhidhet nga kati i 4-t për të shpëtuar

TIRANE- Një apartament në katin e tretë të një pallati pranë spitalit të fëmijëve në Tiranë, është përfshirë nga flakët. Menjëherë nga banesa dhe pallati janë evakuuar banorët, ndërsa nga flakët e zjarrit dyshohet se një person ka mbetur i plagosur.

Në momentin kur flakët e zjarrit kishin përfshirë apartamentin në katin e tretë të pallatit, një person është hedhur nga kati i katërt për t'i shpëtuar flakëve. fatmirësisht, personai ka shpëtuar me disa plagë të lehta, pasi ka rënë mbi tendën e ballkonit të katit të parë të pallatit.

Menjëherë, ai është dërguar në spital dhe ndodhet jashtë rrezikut për jetën.

Menjehërë në vendin e ngjarjes kanë mbërritur forcat e policisë së Tiranës dhe zjarrfikësja.

Në apartamentin pranë pediatrisë së kryeqytetit, dy zjarrfikëse po punojnë për neutralizimin e flakëve të zjarrit.

Po në kryeqytet, një tjetër objekt është përfshirë nga flakët e zjarrit në Kamzë.

Redaksia Online
(e.s/shqiptarja.com)