Tokat djerrë, PS kundër: Berisha problemi i fshtarëve

Pas propozimit të kryeministrit Berisha për të marrë tokën bujqësore atij që e lë djerrë nga komuna reagon Partia Socialiste e cila e cilëson këtë hap si absurd. Përmes Eduart Shalsit kjo forcë politike thotë se kryeministri nuk e njeh realitetin pasi toka bujqësore nuk lihet pa punuar për shkak të dëshirës, por për shkak të pamundësive dhe kostos së lartë që ka prodhimi bujqësor.
Kryeministri Berisha deklaroi në mbledhjen e qeverisë se shumë shpejt do të hartohet baza ligjore e nevojshme që toka bujqësore t'i kalojë atij që e punon ndërsa pronari do të mjaftohet me një të dhjetën e kostos së fitimit.