Tomor Alizoti: Rama është i paaftë të lexojë katastrofën ku është zhytur! Thirri policët si mercenarë me pagesë kundër studentëve

Deputeti i PD-së, Tomor Alizoti ka akuzuar kryeministrin Rama se thirrja e Policive si mernencar duke u premtuar pagesa për të shtypur protestuesit është një shenjë e qartë paniku. Sipas tij, Edi Rama do bëjë ciklin e të gjithë diktatorëve. Për demokratin, kur diktatorët janë ‘ në grahmat e fundit shkojnë drejt kërcënimit. Por diktaturat bien nga paaftësia”.

“Thirrja e policeve si mercenarë në pagesë kundër studentëve është shenjë e qartë e panikut.

Edi Rama do bëjë ciklin e të gjithë diktatorëve. Ata kur janë në grahmat e fundit shkojnë drejt kërcënimit. Por diktaturat bien nga paaftësia. Ai është i paaftë të lexojë katastrofën ku është zhytur, ata që e rrethojnë janë të paaftë ta këshillojnë dhe ndalojnë.

Ndaj i hakërrehet studentëve si një shtazë dhe duartrokitet nga të vetët. Nga sot, pas mesazhit paranojak, përballë studentëve dhe qytetarëve nuk janë më policë, por mercenarë të kryebanditit”, shprehet Alizoti.