Topalli ne Strasburg me 47 kryeparlamentaret e KE
Para nisjes per Strasburg, ku do te marre pjese ne Konferencen e krereve parlamentare, Kryetarja e Kuvendit, Jozefina Topalli, shprehu ngushellimet mbi viktimat e shkaktuara nga termeti ne Kine. Ngushellimet Topalli i beri gjate vizites ne Ambasaden e Republikes Popullore te Kines ne vendin tone, e personalisht ambasadorit, Vong Junling. "I shpreh ngushellimet me te thella kombit kinez, ne emer te Parlamentit te Shqiperise. Kjo eshte nje fatkeqesi e madhe dhe une shpreh besimin se do te perballohet me force dhe kurajo, nga populli kinez", tha Topalli. Ndersa sot, Topalli do te marre pjese ne Konferencen Evropiane te Kryetareve te Parlamenteve, qe do te zhvillohet ne Seline e Keshillit te Evropes, ne Strasburg. Ne kete konference do te trajtohen dy sfidat kryesore te se ardhmes se Evropes: gjetjen e rrugeve me te mira per te afruar shoqerine civile me prane jetes politike te kombeve, si edhe perfshirjen e vlerave demokratike, te drejtave te njeriut dhe te shtetit ligjor ne politikat e perditshme ne nivel kombetar dhe ate evropian. Te pranishem do te 47 kryetaret e Parlamenteve te shteteve anetare te Keshillit te Evropes, jane te ftuar edhe kryetaret e Parlamenteve me statusin e vezhguesit prane Asamblese Parlamentare te KE-se.