Topi merr "Urdhrin Maltez te Merites"
Presidenti i Republikes, Bamir Topi, u dekorua dje me Shiritin e Urdhrit te Merites Maltez, si shenje respekti e mirenjohjeje per perkushtimin e tij ne permbushjen e detyrave te larta presidenciale. Gjate vizites se tij ne Malte, kreu i shtetit takoi dje Princin dhe Mjeshtrin e Madh te Urdhrit Sovran te Maltes, Fra' Methju Festing. Gjate bashkebisedimit, kreu i shtetit shqiptar vleresoi marredheniet e mira, duke vene ne pah se zhvillimi i metejshem i tyre, se bashku me ndihmesen dhe perkrahjen e perpjekjeve integruese te Shqiperise, do te mundesonin edhe kurorezimin me sukses te aspiratave te popullit tone per t'u bere pjese e familjes se madhe evropiane. Kreu i shtetit shprehu mirenjohjen per ndihmen e vazhdueshme te Urdhrit Sovran te Maltes dhene kombit dhe vendit tone nepermjet projekteve ne fusha te ndryshme si shendetesia, arsimi, asistenca sociale per shtresat ne nevoje, ne ate te mbrojtjes dhe rendit. Presidenti Topi dhe Mjeshtri i Madh, Fra Methju Festing diskutuan edhe rreth zgjerimit te metejshem te marredhenieve nepermjet nenshkrimit te nje Marreveshjeje Bashkepunimi, si edhe mbi mundesine e ndertimit te nje spitali ne Shqiperi. Lartesia e Tij vleresoi reformat dhe ndryshimet pozitive ne Shqiperi, duke vene ne pah rolin e rendesishem dhe moderator te vendit tone dhe faktorit shqiptar ne rajon e me gjere.