Topi vazhdon viziten ne Kosove

Dita e pare e vizites zyrtare te Presidentit te Republikes, Bamir Topi ne Kosove vijoi dje pasdite me takime te veçanta pune qe Kryetari i Shtetit shqiptar zhvilloi me nenkryetarin e Lidhjes Demokratike te Dardanise, Lulzim Zeneli, me perfaqesues te pakices turke, me nenkryetarin e Partise Demokratike te Kosoves, Arif Bytyçi, me perfaqesuesin e pakices serbe, Sllobodan Petroviç dhe me perfaqesuesit e Aleances Kosova e Re. Gjate ketyre takimeve, Presidenti Topi tha se shpresonte ne vazhdimesine e kontributit te partive politike shqiptare per kapercimin e sfidave me te cilat perballet sot Kosova, me synim ecjen perpara ne rrugen e konsolidimit te shtetit demokratik, dhe integrimin europian e euroatlantik. Duke bashkebiseduar me perfaqesuesit politike kosovare dhe ata te pakicave, zoti Topi theksoi domosdoshmerine e ruajtjes se maturise politike, te respektimit te te drejtave te te gjithave pakicave, njohjes se metejshme te shtetit te pavarur, si dhe zhvillimit ekonomik dhe konkretizimit te metejshem te bashkepunimit dypalesh dhe projekteve te perbashketa.