Topi, takim lamtumire me ambasadorin e OSBE, Robert Bosch
Tiranë, 31 gusht, NOA Presidenti i
Republikës, Bamir Topi, zhvilloi sot një takim lamtumire me shefin e prezencës
së OSBE-së në Shqipëri, ambasadorin Robert Bosh, i cili përfundoi mandatin e
tij në vendin tonë.
Kreu i shtetit shqiptar pasi e falënderoi ambasadorin Bosh për kontributin e
tij të rëndësishëm personal e institucional, vlerësoi si shumë të frytshëm dhe
të vlefshëm rolin dhe ndihmesën e pranisë së OSBE-së në Shqipëri për
konsolidimin e institucioneve demokratike, forcimin e shtetit të së drejtës, si
dhe mbrojtjen e respektimin e të drejtave të njeriut.
Nga ana e tij, ambasadori Bosh shprehu vlerësimin për rolin e rëndësishëm të presidentit Topi si garant i Kushtetutës dhe ligjeve, duke e siguruar kreun e shtetit se do të mbetet gjithmonë një mik i Shqipërisë dhe për vazhdimësinë e ofrimit nga OSBE-ja të përvojës dhe ndihmesës së saj në konsolidimin e mëtejshëm të demokracisë dhe institucioneve shqiptare.
n.e/NOA