Totenhemi ndal Liverpulin, humbje e rëndë për Junajtid

Një ndeshje e madhe, lojë e shkëlqyer por shumë keqardhje për të dyja skuadrat: kjo është përmbledhja e duelit mes Liverpoolit dhe Tottenhamit që përfundoi 1-1. Conte shpresonte për një goditje, por duhet të kënaqet me barazimin, Klopp rikuperon një ndeshje të komplikuar, por nuk arrin të përmbysë rezultatin dhe të marrë gjithçka që I takon një ndeshja. City dhe Arsenali kanë mundësinë të largohen nga kundërshtarët e tyre përkatës.

Son 56’ dhe Luis Diaz 74’ shënojnë golat, por Klopp dhe Conte janë të shqetësuar sepse objektivat e tyre largohen. Reds në fakt arrijnë City-n në renditje, i cili, megjithatë, mund të shkojë në +3 të dielën. Spurs, nga ana tjetër, rrezikojnë të shohin Arsenalin të largohet në +4.

Disfatë historike për Manchester United në fushën e Brighton. Djajtë e Kuq janë mposhtur 4-0 nga vendasit dhe me 37 ndeshje tashmë të luajtura në këtë Premier League, i thonë zyrtarisht lamtumirë mundësisë për të arritur në vendin e katërt që vlen Champions League. Brighton nga ana tjetër vendos qershinë mbi torte të një sezoni të shkëlqyer.

Ndeshje njëkahëshe me Caicedo që shtyn përpara skuadrën e tij në minutën e 15-të me një goditje që kalon nën këmbët e Lindelof. Në fillim të pjesës së dytë, kolapsi i United u materializua në vetëm 11 minuta: në 49′ Cucurella nënshkroi dopietën, më pas në 57′ dhe 60′ Gross dhe Trossard realizuan pokerin. Në 73′ Cavani shënoi golin e flamurit, por VAR e anulloi. Është fotografia e një dite të zezë për Ronaldon dhe shokët e tij.