Tragjedia ne Peze-Helmes vellai i trete ende ne koma
Sipas konkluzioneve te grupit te hetimit carja e tokes ka cliruar gazra helmuese qe jane akumuluar si pasoje e mbajtjes se pusit mbyllur per disa dite. Vellai i trete qe u asfiksua duke tentuar te nxirrte nga thellesia prej 10 metrash trupat e dy viktimave vazhdon te jete ne gjendje kome ne Spitalin Ushtarak. Ne kohen kur ne Peze-Helmes zhvillohej ceremonia mortore per Perparim dhe Hajri Pulen disa te aferm qendronin dje tek dera e reanimacionit ne Spitalin Ushtarak ku ndodhet ne koma vellai i trete Dritan Pula. Mjeket nuk iu kane dhene shume shpresa familjareve te 23-vjecarit duke thene se gjendja e Dritan Pules vazhdon te jete kritike edhe 48 ore pas ngjarjes tragjike. Personat e tjere qe ndodheshin ne spital me veshtiresi ne frymemarrje te shkaktuara nga asfiksia dje kane lene pavionin dhe jane kthyer ne shtepi. Ekspertet mjeko-ligjore kane percaktuar si shkak perfundimtar te vdekjes se dy vellezerve Perparim dhe Hajri Pula asfiksimin qe sipas tyre ka ardhur nga mungesa e oksigjenit. Specialistet sqaruan se clirimi i menjehershem i gazit karbonik ka bere qe sasia e oksigjenit perreth pusit ku po punonin vellezerit te kthehet shume shpejt ne dioksid karboni duke veshtiresuar frymemarrjen e tyre. Burime nga grupi hetimor thane se pamundesia per te marre fryme ne mungese te oksigjenit dhe thithja e gazit karbonik beri qe viktimat fillimisht te kishin marrje mendsh dhe te humbnin rezistencen e trupit duke rene ne fund te pusit 10 metra te thelle. Ne nje thellesi te tille sipas eksperteve ka pasur mungese totale oksigjeni dhe ne kete menyre dy vellezerit jane asfiksuar e per rrjedhoje kane humbur jeten. Ekspertet qe po hetojne ngjarjen po analizojne perberesit e dheut qe moren dy dite me pare si moster ne vendin e ngjarjes per te perllogaritur saktesisht perberesit kimik te gazrave te nentokes ku viktimat kerkonin te nxirrnin uje te pijshem. Sipas eksperteve pas ngjarjes se tri diteve me pare po kryhen analiza laboratorike per te evidentuar nese uji qe perdorin banoret e fshatit Peze-Helmes eshte i demshem apo jo.
Etleva Delia