Tranoshishti, fshati që po zhvillon agroturizmin

Fshati Tranoshisht në njësinë administrative Antigone sipas banorëve është fshati më i vjetër i Lunxherisë.

Ndodhet vetëm 10 kilometra larg qytetit të Gjirokastrës. Tranoshisht është një fshat i vogël me rreth 36 shtëpi, me shumë pak familje, por tepër të dashura  e punëtore që dinë të mirëpresin cilindo që mbërrin në vendin e tyre.

Fshati Tranoshisht është shumë pranë parkut arkeologjik të Antigonës, ç’ka bën që banorët të kenë sytë drejt zhvillimit të agroturizmit. Në këtë fshat ka nisur edhe çelja e bujtinave tregojnë banorët.

Tranoshishti, falë investimeve të bëra vitet e fundit dhe falë banorëve mikpritës, është një fshat që më së miri po mundohet të zhvillojë agroturizmin për t’i dhënë gjallërinë e duhur natyrës së bukur dhe tepër tërheqëse qe ka kjo zonë.

/rtsh.al/