Transportoi 85 kg kanabis, arrestohet 32-vjeçari i shpallur në kërkim

Blutë e Fierit kanë arrestuar një 32-vjeçar të shpallur në kërkim, në kuadër të operacionit antidrogë “Hamil” të zhvilluar më 21 dhjetor 2022.

32-vjeçari N.R.,  drejtonte automjetin “Audi Q7” me të cilin po transportoheshin 3 thasë me 85 kg kanabis.

Gjatë operacionit të dhjetorit, policia vuri në pranga pronarin dhe pasagjerin e automjetit, ndërsa shpalli në kërkim drejtuesin e makinës, i arrestuar këtë të enjte (15 qershor).

Policia sqaron se “Shkon 3 numri i shtetasve të vënë në pranga në kuadër të këtij operacioni të zhvilluar më datë 21.12.2022.

Si rezultat i veprimeve hetimore dhe procedurale të kryera në kuadër operacionit policor antidrogë të koduar “Hamil”, të zhvilluar më 21 dhjetor 2022, nga Seksioni për Hetimin e Narkotikëve, në bashkëpunim me Komisariatin e Policisë Fier dhe Forcën e Posaçme “Shqiponja”, u bë i mundur lokalizimi, kapja dhe vënia në pranga e shtetasit të shpallur në kërkim N. R., 32 vjeç, banues në Hamil”.

/rtsh.al/