Transportonte dru kontrabandë, arrestohet

Elbasan- Një 26-vjeçar është ndaluar nga policia nën akuzën e kontrabandës së druve. Ai u kap teksa ishte duke transportuar dru pa dokumentacionin përkatës si dhe kishte falsifikuar lejen e transportit dhe datën e kolaudimit.

“Servet Disha lindur në Librazhd e banues në fshatin Lekaj në Kavajë është kapur nga shërbimet e policisë, pasi gjatë kontrollit të mjetit tip IFA me targa KJ 0786 A të ngarkuar me lëndë drusore rezultoi se nuk kishte dokumente shoqërues të sasisë së druve”- thanë burimet e policisë.

Po kështu nga verifikimet rezultoi se kishte korrigjuar datën e kolaudimit dhe e lejes së transportit të mjetit. Mësohet se mjeti sëbashku me ngarkesën drusore janë sekuestruar ndërsa ka filluar hetimor për falsifikim të dokumentave dhe prerje të paligjshme të pyjeve.