Tropojë: Ia shkrep vetes, por shpëton

Burime zyrtare të policisë lokale, bëjnë të ditur se ngjarja e rëndë ka ndodhur rreth orës 12 në banesën e shtetasit Lulzim  Metaliaj, kur ky i fundit sapo ka hyrë në shtëpi me armën e tij pistoletë, në prani të bashkëshortes dhe nënës së tij ka shkrepur armën duke u vetplagosur rëndë.

I plagosuri është dërguar menjëherë në spitalin civil të qytetit, por për shkak të plagëve të rënda,  pritet që ai të dërgohet me helikopter në Tiranë për ndërhyrje të specializuar.

Në vendngjarje ka shkuar grupi hetimor, i cili ka nisur hetimet për shkaqet  dhe  rrethanat e vetplagosjes së 30 - vjecarit./Start/

                                                                                             2012-08-20 21:28