Trukimet në futboll, Shqipëria rendidet më e korruptuara në Evropë

Tiranë- Në një analizë së një prej shoqerive italiane lider në monitorimin e kuotave dhe të ardhurave të ndeshjeve, SportRadar, futbolli shqiptar është në krye të klasifikimit sa i takon trukimit të rezultateve për mbarë Evropën.

Sipas raportit alarmant në afro tre vitet e fundit, nisur nga qershori i vitit 2009 e deri në nëntor 2012, ndeshjet e manipuluara në Shqipëri e rendisin futbollin tonë si më të korruptuarin, me plot 97 ndeshje të fiksuara.

SportRadar nuk dëshiron të japë detaje se cilat pikërisht ishin ndeshjet e fiksuara. Pas nesh renditet Italia fqinje me 70 ndeshje të trukuara. Përkatësisht në 20 Seria A, 36 Seria B e 14 LegaPro (gjashtë kampionate në total).

Duke u ndjekur më pas nga Moldavia me 66 ndeshje të trukuara, Estonia me 46 të tilla, Greqia me 45, Rusia 42 dhe Maqedonia 37. Në fund të klasifikimit renditet Belgjika me vetëm një të tillë, e përpara ka Francën dhe Holandëm me vetëm dy ndeshje të trukuara.

Një zhgënjim i madh për të gjithë profesionistët e futbollit shqiptar pas analizmit të qindra ndeshjeve në kontinentin evropian, përfshirë të gjitha vendet. Mostra e SportRadar përfshin 143.472 takime e 596 liga të ndryshme dhe kampionate.

Më poshtë Gazeta IDEA po rendit vendet me futbollin më të korruptuar në Evropë, sa i takon ndeshjeve të fiksuara në tre vitet e fundit:

1. Shqipria                97 ndeshje

2. Italia                     70

3.Moldavia              66

4.Estonia                  46

5. Greqia                   45

6. Rusia                     42

7. Maqedonia            37

8. Bullgaria               35

9. Letonia                  31

10. Lituania               31

Dorina Bilbili/IDEA/

Na ndiqni në: @GazetaIdea në Twitter/Gazeta Idea (Faqja Zyrtare) në Facebook 

Ndani me ne komentet tuaja: