Turizmi si nxitës i ekonomisë/ Një vështrim analitik për ndikimin gjatë 2000-2023
Në epilog të një sezoni turistik mbetet pak kohë për të parë një shembull të mrekullueshëm, sesi Shqipëria ka treguar që sektori i turizmit mund të nxisë zhvillimin ekonomik.
Ishin vitet 2000, kur disa operatorë të mëdhenj evropianë të turizmit filluan të njihnin potencialin e Shqipërisë, për t’u bashkuar me destinacionet e lulëzuara të Mesdheut.
Pasoi një rritje e investimeve dhe, midis viteve 2000 dhe 2023, numri i hoteleve, dhomave dhe shtretërve u rrit, më shumë se dhjetëfish.
Gjatë dy dekadave të fundit, kontributi i sektorit të turizmit dhe udhëtimit të Shqipërisë në produktin e brendshëm bruto (PBB) të vendit është rritur në mënyrë të vazhdueshme dhe ka arritur në më shumë se 10%, duke krijuar vende pune dhe duke gjeneruar rreth 40 % të totalit të eksporteve.
Duke parë prapa, viti 2019 ishte viti më i mirë i Shqipërisë për turizmin, me 6.4 milionë vizitorë të huaj dhe 2.3 miliardë dollarë të ardhura sektoriale. E ardhmja dukej premtuese.
Në vitin 2022, sektori u përpoq të rikthente stafin pas rimëkëmbjes së turizmit në
Në qershor 2022, IFC dhe Banka Botërore, realizuan Diagnostifikimin e Sektorit Privat në Shqipëri, për të nxjerr në pah mundësitë masive të investimeve për sektorin privat.
Zbatimi i Strategjisë së Turizmit Blu të qeverisë mundi të rrisë ardhjet ndërkombëtare me 208,000 në vit, duke rritur të ardhurat nga turizmi me mbi 400 milionë dollarë në vit. Vini re grafikun e ISSH që tregon trendin e rritjes së numrit e vizitorëve nga viti 2014 deri në vitin 2022.
Mbi dy milionë vizitorë të huaj janë regjistruar gjatë muajit gusht të këtij viti, duke e çuar në rreth 7.2 milionë numrin e turistëve të huaj që kanë vizituar Shqipërinë në 8 muaj. Kjo shifër i afrohet rekordit prej 7.5 milionë turistësh që u arrit në vitin 2022, viti më i mirë ndonjëherë në turizëm në bilanc shifrash. 2023 pret një rekord të ri me rreth 4 miliardë euro xhiro ekonomike nga turizmi!
Ky është bilanci i turizmit për vitin 2023.
Turizmi malor, bujtinat, kushtet akomoduese, ushqimet bio nga fermat, janë disa nga gjërat që sipërmarrësit planifikojnë për të investuar, në destinacionet turistike tërheqëse në Shqipëri. Çfarë pengon? Shqipëria duhet të trajtojë pengesat kritike të infrastrukturës, duke rritur lidhjen ajrore dhe duke zgjeruar rrjetet rrugore për të zhvilluar turizmin e brendshëm dhe për të promovuar qarkullimin turistik.
Gazetar: Bardhi Sejdarasi
/rtsh.al/